Ecurie des Mouetteseko moxala Espainian dagoen bere belaunaldiko onena dela erakutsi zuen, Madrilgo Gran Criteriumean garaile atera baitzen. Aurretiaz, lehena izan zen Martorell eta Carlos Sobrinon. Gainera, udan Donostiako Nazioarteko Kriteriumean bigarren izan zen.
Oraingoan, 6 partaideko lasterketa batean, Princess Child Clément Cadelekin hasieratik jarri zen lidergoan, horrela, hasieratik amaierara arte irabaztera joateko, nahiz eta bere aurkari, ar, guztien erasoak jasan. Merezimenduzko garaipena, une oro aurpegia emanez eta zaldikoen aurrean ez baitzen zimurtu behor hau. Bihotz handia eta kalitate handia erakutsi zuen etorkizun handia duen eme honek.
Are gehiago, joan den astean bere ukuiluan bisitatu ahal izan genuen Angel Imaz, Israel Sanchez eta Omar Zabalarekin batera. Grabaketa egunean, erronka honi aurre egiteko egoera ezin hobean ikusi genuen.
