Zaldi lasterketak Zubietako Haranera itzuli ziren aurten ere. Ostegun Santuarekin (martxoak 28) batera, publikoak sarrera on batekin erantzun zion programatutako bost lasterketen maila onari, baita eguraldi onari ere. Inaugurazio-jardunaldi horretan, PSIren hazkuntza nazionala adierazi nahi izan zen, goizeko bost sarien izenekin. Era berean, eskerrak eman nahi dizkiegu behortegi horien guztien ordezkariei gure hipodromoan egoteagatik.
Balioen arabera, eguneko lehen bi probak nabarmentzen ziren programan. Hasteko, Yeguada Marqués de Miraflores – Elzaam saria (Amazonas eta Gentlemen) 2.000 metrotan. Hitzordu horretan faboritoak, Riocorvo-k, ez zuen berragerpenik onena izan helmugan azkena izan zelarik. Bering-en zaldi beteranoa alde batera utzita, lasterketen emozioa Gaheris (Bernardo – Ramón Avial) eta Flaming Glass (Yeguada Urdiñ-Oriyá – Álvaro Soto) zaldiek osatu zuten. Duelu horretan Camelot-en semeak Claudia Tenaren zaldiarekin irabazi zuen.
Ondoren, eguneko lasterketarik onena iritsi zen, 2.200 metroko Yeguada Agrado – Bow Creek saria. Nader King-ek (Enrique Fernández de Vega – Jesús López) ezustekoa eman zuen baldintzazko lasterketa honetan. Jaime Gelabertekin garaipena lortu zuen Amtiyaz (Yeguada Rocio – Guillermo Arizkorreta) eta Philau (Alex eta Sofía – Patrik Olave) faboritoen aurretik.
Hirugarrenik, interesgarria zen irabazlea asmatzea hiru urtekoentzako lasterketan, hau da, Yeguada Siete Iglesias – Noozhoh Canarias 2.000 metrotako lasterketan. Bikiak nahiko argi zirudien, komunikabide espezializatuen iragarpenen arabera. Pronostiko horiek pistan baieztatu ziren Backstreets (Mediterraneo – Patrik Olave) eta Leivinha (One – Guillermo Arizkorreta) moxalen arteko lehia gogorrarekin. Ricardo Sousak gidatutako arra izan zen garaile emearen aurretik.
1.600 metrotan banatutako handikap zatituak osatu zuen programa. Alde batetik, Yeguada Militar – Abdel, Amedeo Modigliani, Gael Legacy saria (Handikap 1. zatia) etxean geratu zen. Izan ere, garaipena Urola-ri (Yeguada Militar – Juan Pedro Espinosa) egokitu zitzaion, José Luis Borregoren muntarekin. Bestalde, Dehesa de Milagro – Ruler Of The World sarian (Handikap 2. Zatia) Tiger Bash-ek (Diazmor – Blas Rama) bere faboritismoa berretsi zuen pistan Borja Fayos muntarekin.
Hurrengo jardunaldia apirilaren 5ean izango da, 11:50etik aurrera, beste 5 lasterketarekin.
Udaberriko 1. jardunaldiko akta eta emaitzak (2024ko martxoaren 28a)
